BAA poytaxti Abu Dabi shahrida o‘quv-yig‘in mashg‘ulotlarini o‘tkazayotgan "Bunyodkor" jamoasi bugun ikkinchi sinov nazorat bahsida maydonga tushdi.
Raqib Rossiyaning “Lokomotiv” jamoasi. Qiziqarli, hujumkor ruhda o‘tgan bellashuvda 1:1 hisobi qayd etildi. Hisob 10-daqiqadayoq ochildi. Ivan Ignateev burchak zarbasidan keyin bosh bilan darvozani nishonga oldi. Shundan so‘ng ustunlik qisman "qaldirg‘ochlar" tarafiga o‘tdi. Bu bo‘lim yakunida o‘z samarasini berdi. Igor Ivanovich ajoyib hujumni gol bilan yakunladi. O‘ng qanotdan yetkazib berilgan to‘pni darvozaga joyladi!
Ikkinchi bo‘limda to‘p nazorat "Bunyodkor" tomonida bo‘ldi. Ammo vaziyatlardan foydalana olmaslik yakunda hisob o‘zgarmay qolishiga zamin yaratdi.
NAZORAT UCHRASHUVI
“BUNYODKOR” – “LOKOMOTIV” (Rossiya) – 1:1 (1:1)
“Bunyodkor”: Suhrobjon Sultonov, Davronjon Ergashev, Jasur Yoqubov (Usmonali Ismonaliyev), Avazbek O‘lmasaliyev (Aleksandr Zevadinov), Akbar Ismatullayev (Abdulloh Omonaliyev), Rasul Yo‘ldoshev (Muhammad Safo Fozilov), Jasur Hakimov (Ollobergan Karimov), Igor Ivanovich (Farhod O‘tkirov), Narimon Ahmadjonov (Diyor Jaloliddinov), Muzaffar Olimjonov (Muhammadodil Qahramonov), Suhrob Izzatov (Umid Sultonov).
“Lokomotiv”: Daniil Xudiakov, Stanislav Magkeev, Konstantin Maradishvili, Dmitriy Barinov, Ivan Ignateev, Uilson Isidor, Anton Miranchuk, Maksim Nenakov, Frankois Kamano, Yegor Pogostnov, Nayair Tiknizyan.
Zaxiradan tushganlar: Ilya Lantratov, Ivan Kuzmichyov, Mark Mampassi, Dmitriy Jivoglyadov, Mario Mitay, Artyom Karpukas, Mixail Shetinin (Maksim Glushenkov), Daniil Kulikov, Emelio Kerk, Vadim Rakov, Marko Rakonyas.
Gollar: Ivan Ignateev, 11 - 1:0. Igor Ivanovich, 44 - 1:1.
