БАА пойтахти Абу Даби шаҳрида ўқув-йиғин машғулотларини ўтказаётган "Бунёдкор" жамоаси бугун иккинчи синов назорат баҳсида майдонга тушди.

Рақиб Россиянинг “Локомотив” жамоаси. Қизиқарли, ҳужумкор руҳда ўтган беллашувда 1:1 ҳисоби қайд этилди. Ҳисоб 10-дақиқадаёқ очилди. Иван Игнатеев бурчак зарбасидан кейин бош билан дарвозани нишонга олди. Шундан сўнг устунлик қисман "қалдирғочлар" тарафига ўтди. Бу бўлим якунида ўз самарасини берди. Игорь Иванович ажойиб ҳужумни гол билан якунлади. Ўнг қанотдан етказиб берилган тўпни дарвозага жойлади!

Иккинчи бўлимда тўп назорат "Бунёдкор" томонида бўлди. Аммо вазиятлардан фойдалана олмаслик якунда ҳисоб ўзгармай қолишига замин яратди.

НАЗОРАТ УЧРАШУВИ

“БУНЁДКОР” – “ЛОКОМОТИВ” (Россия) – 1:1 (1:1)

“Бунёдкор”: Суҳробжон Султонов, Давронжон Эргашев, Жасур Ёқубов (Усмонали Исмоналиев), Авазбек Ўлмасалиев (Александр Зевадинов), Акбар Исматуллаев (Абдуллоҳ Омоналиев), Расул Йўлдошев (Муҳаммад Сафо Фозилов), Жасур Ҳакимов (Оллоберган Каримов), Игорь Иванович (Фарҳод Ўткиров), Наримон Аҳмаджонов (Диёр Жалолиддинов), Музаффар Олимжонов (Муҳаммадодил Қаҳрамонов), Суҳроб Иззатов (Умид Султонов).

“Локомотив”: Даниил Худиаков, Станислав Магкеев, Константин Марадишвили, Дмитрий Баринов, Иван Игнатеев, Уилсон Исидор, Антон Миранчук, Максим Ненаков, Франкоис Камано, Егор Погостнов, Наяир Тикнизян.

Захирадан тушганлар: Илья Лантратов, Иван Кузьмичёв, Марк Мампасси, Дмитрий Живоглядов, Марио Митай, Артём Карпукас, Михаил Шетинин (Максим Глушенков), Даниил Куликов, Эмелио Керк, Вадим Раков, Марко Раконьяц.

Голлар: Иван Игнатеев, 11 - 1:0. Игорь Иванович, 44 - 1:1.