Bokschi qizlarimiz U-22 Osiyo chempionatidagi bugungi janglarni yakunlashdi. Unda bahs olib borgan besh nafar vakilimizdan to‘rttasi ajoyib g‘alaba bilan keyingi bosqich masalasini ijobiy qilishdi. Ayniqsa, Sitora Turdibekovaning ikkinchi raunddayoq raqibasini muddatidan avval mag‘lubiyatga uchratgani terma jamoa a’zolarining o‘zlariga bo‘lgan ishonchini yanada kuchaytirdi. Afsuski, mezbon bokschiga qarshi bahsda Rashida Tagirova imkoniyatni boy berib qo‘ydi.
-48 kg: Farzona Fozilova – Anel Kudaibergen (Qozog‘iston) 5:0
-50 kg: Sabina Boboqulova – Nomin-Erdene Davazorg (Mo‘g‘uliston) 5:0
-54 kg: Nigina O‘ktamova – Yesugen Oyunseseg (Mo‘g‘uliston) 5:0
-57 kg: Sitora Turdibekova – Sreysros Vi (Kambodja) 2-raundda texnik g‘alaba
-60 kg: Rashida Tagirova – Buapa Porntip (Tailand) 0:5
