Leandro Trossard "Brayton"dan "Arsenal"ga o‘tishga juda yaqin turibdi.

Jurnalist Fabrisio Romanoning so‘zlariga ko‘ra, London klubi yaqin bir necha soat ichida kelishuvni yopishga tayyor. Qanot hujumchisining transferi bo‘yicha muzokaralar juda tez ketmoqda - ular allaqachon juda ilg‘or bosqichda.

"Arsenal" Trossard bilan shaxsiy shartnoma shartlari bo‘yicha to‘liq kelishuvga erishdi. Futbolchi bilan uzoq muddatli shartnoma imzolanadi.

Avvalroq belgiyalik futbolchi murabbiy Roberto De Zerbi bilan mojaro tufayli "Brayton"ni tark etishi mumkinligi malum bo‘lgandi.

Trossard joriy mavsumda APLda 16 ta o‘yinda maydonga tushib, 7 ta gol urdi va bu jamoadagi eng yaxshi natija hisoblanadi.