«Napoli» yarim himoyachisi Xvicha Kvarasxeliya Italiya chempionatining 19-turidan o‘rin olgan «Salernitana»ga qarshi o‘yinni o‘tkazib yuborishi mumkin, deb xabar beradi Sky Sport Italia.
Gruziyalik yarim himoyachi neapolliklar jamoasining bugungi mashg‘ulotlarini o‘tkazib yubordi. U shamollab qolgani sababli ehtiyot chorasi tariqasida uyda qolgan.
21 yoshli futbolchi «Napoli»da 2022 yilning yozidan buyon o‘ynab kelmoqda. Joriy mavsum u neapolliklar safida 20 ta o‘yinda maydonga tushib, 9 ta gol urdi va 12 ta golli uzatmani amalga oshirdi.
Eslatib o‘tamiz, «Salernitana» - «Napoli» uchrashuvi 21 yanvar, shanba kuni bo‘lib o‘tadi.
