«Наполи» ярим ҳимоячиси Хвича Кварацхелия Италия чемпионатининг 19-туридан ўрин олган «Салернитана»га қарши ўйинни ўтказиб юбориши мумкин, деб хабар беради Sky Sport Italia.

Грузиялик ярим ҳимоячи неаполликлар жамоасининг бугунги машғулотларини ўтказиб юборди. У шамоллаб қолгани сабабли эҳтиёт чораси тариқасида уйда қолган.

21 ёшли футболчи «Наполи»да 2022 йилнинг ёзидан буён ўйнаб келмоқда. Жорий мавсум у неаполликлар сафида 20 та ўйинда майдонга тушиб, 9 та гол урди ва 12 та голли узатмани амалга оширди.

Эслатиб ўтамиз, «Салернитана» - «Наполи» учрашуви 21 январь, шанба куни бўлиб ўтади.