Myonxengladbaxning “Borussiya” klubi “Bavariya”ga jo‘nab ketgan darvozabon Yann Zommerga o‘rinbosar topdi. Fransiyaning “Monpelye” jamoasi darvozaboni Yonas Omlin Germaniyaga yo‘l oldi, deb xabar berdi klub rasmiy sayti.

Qizig‘i, “Borussiya” bilan 2027 yilning yoziga qadar shartnoma imzolagan 29 yoshli kiper Yan Zommerning vatandoshi, ya’ni, shveysariyalik.

Transfermarkt portali tajribali posbonning transfer narxini 7 million yevroga baholamoqda.

Fransiya chempionatining joriy mavsumida Yonas Omlin 14 ta o‘yin o‘tkazib, o‘z davrvozasidan 26 ta to‘p o‘tkazib yubordi va 3 ta bahsda o‘z darvozasi daxlsizligini saqlab qoldi.