Мёнхенгладбахнинг “Боруссия” клуби “Бавария”га жўнаб кетган дарвозабон Янн Зоммерга ўринбосар топди. Франциянинг “Монпелье” жамоаси дарвозабони Йонас Омлин Германияга йўл олди, деб хабар берди клуб расмий сайти.

Қизиғи, “Боруссия” билан 2027 йилнинг ёзига қадар шартнома имзолаган 29 ёшли кипер Ян Зоммернинг ватандоши, яъни, швейцариялик.

Transfermarkt портали тажрибали посбоннинг трансфер нархини 7 миллион еврога баҳоламоқда.

Франция чемпионатининг жорий мавсумида Йонас Омлин 14 та ўйин ўтказиб, ўз даврвозасидан 26 та тўп ўтказиб юборди ва 3 та баҳсда ўз дарвозаси дахлсизлигини сақлаб қолди.