Xarri Keyn "Manchester Yunayted"ga o‘tishga tayyor.
Mankunianliklar klubi yozgi transferlar vaqtida "Tottenxem" hujumchisini sotib olmoqchi.
Daily Mail xabariga ko‘ra, "Manchester Yunayted" rahbarlari allaqachon Keynning transferi bilan bog‘liq tafsilotlarni o‘rganishga kirishgan.
Taxminlarga ko‘ra, Keynning transferi bosh murabbiy Erik ten Xagning ustuvor vazifalari ro‘yxatida birinchi o‘rinda turadi. Angliya terma jamoasi hujumchisiga "Bavariya" ham qiziqish bildirmoqda.
Avvalroq, "Tottenxem" direktorlar kengashi raisi Deniel Levi APLning istalgan klubidan forvard uchun 100 million funt talab qilishi haqida xabar berilgandi. Boshqa liga jamoalari uchun esa narx pastroq bo‘ladi.
