"Atletiko"ning yangi futbolchisi Memfis Depay Madrid klubiga o‘tgandan so‘ng bosh murabbiy Diyego Simeone bilan bo‘lgan suhbati haqida gapirdi.
"Simeone meni o‘z uyimdagidek his qilishimni va imkon qadar tezroq moslashishimni istashini aytdi", - dedi niderlandiyalik futbolchi Mundo Deportivo bilan suhbatda.
20 yanvar kuni Depay "Atletiko" bilan 2,5 yillik shartnoma imzolagani ma’lum bo‘ldi. Joriy mavsumda hujumchi "Barselona" safida barcha musobaqalarda 4ta o‘yin o‘tkazib, bitta gol urgan.
"Atletiko" 28 ochko bilan Ispaniya chempionatida 4-o‘rinda bormoqda.
