Bugun Angliya chempiomnati doirasida "Liverpul" va "Chelsi" jamoalri o‘zaro to‘qnash keladi. Ushbu uchrashuv atrofidagi qiziqarli statistik va boshqa ma’lumotlarni e’tiboringizga havola qilamiz.
Qarama-qarshiliklar tarixi
Angliya chempionatlarining yuqori divizioni doirasida jamoalar 158 ta o‘yin o‘tkazishga muvaffaq bo‘lishdi. Jamoalar "Enfild"da 79 marta to‘qnash kelishgan. Uchrashuvlarning 48 tasida mezbonlar, 12 tasida mehmonlar g‘alaba qozongan bo‘lsa, 19 bor uchrashuvlar durang bilan yakunlangan.
Premyer-ligada jamoalar oxirgi marta 2021 yilning avgustida “Enfild”da to‘qnash kelishgan. O‘yin 1:1 hisobida yakunlangan, Xavers va Saloh tomonidan kiritilgan gollar jamoalarga bir ochkodan berishgan.
O‘tgan mavsum "qizillar" va "ko‘klar" o‘rtasidagi o‘yinlarga boy bo‘ldi.
Jamoalar Angliya chempionatidagi o‘yinlardan tashqari, Angliya kubogi finallarida ham to‘qnash kelishdi. Har ikki o‘yin ham golsiz durang bilan yakunlangan bo‘lsa, ikkala uchrashuvda ham “Liverpul” penaltilar seriyasida kuchliroq bo‘lib chiqdi.
Jamoalarning hozirgi kundagi holati
19 turdan keyin London klubi 28 ochko bilan turnir jadvalining 10-pog‘onasida bormoqda. “Chelsi” 2023 yilda 5 ta rasmiy o‘yin o‘tkazishga muvaffaq bo‘ldi, bu o‘yinlarda “Kristal Pelas” ustidan g‘alaba qozondi. “Nottingem Forest” mehmoni bo‘lib, 1:1 hisobida durang qayd etdi va 3 mag‘lubiyatga uchradi: "Fulxem" bilan mehmonda 2:1 va ikki marta "Manchester Siti"ga. Avvaliga o‘z maydonida 0:1 hisobida mag‘lub bo‘ldi (Premyer-liganing 19-turi), keyin esa safarda 4:0 (Angliya kubogi).
"Liverpul" ham yilni yaxshi boshlagani yo‘q,ular 4 ta o‘yin o‘tkazishga muvaffaq bo‘ldi va faqat bir marta "Vulverxempton"ga qarshi safarda 0:1 hisobida g‘alaba qozondi. Bungacha Premyer-ligada "Brentford"dan 3:1 (19-tur) va "Brayton"dan 3:0 (20-tur) hisobida safarda 2 ta mag‘lubiyat qayd etdi.
Jamoaning so‘nggi muvaffaqiyatsizliklari uni Premyer-ligada 9-o‘ringa tushirib yubordi. O‘tkazilgan 18 uchrashuvdan so‘ng Klopp shogirdlarida 28 ochko bor.
Jarohatlar
Turnir jadvalidan tashqari, jarohat olgan futbolchilar soni bo‘yicha ham jamoalarda tenglik bordek.
“Qizillar”ga hali ham Virjil van Deyk, Luiz Dias, Diogo Jota, Artur Melo va Roberto Firmino yordam bera olishmayapti. Jarohatdan keyin Darvin Nunyes mashg‘ulotlarga qaytdi.
“Ko‘klar”da jarohat olganlar bilan vaziyat bundan ham yomonroq.
Jamoa lazaretida Ris Jeyms, Ben Chiluell, Ngolo Kante, Denis Zakariya, Uesli Fofana, Rahim Sterling, Kristian Pulishich, Eduard Mendi, Armando Broya bor.
Joau Feliks "Fulxem"ga qarshi o‘yinda olgan qizil kartochkasi tufayli o‘yinni o‘tkazib yuboradi.
Murabbiylarning qarama-qarshiligi
Yurgen Klopp va Grem Potter bosh murabbiy sifatida bir-biriga qarshi 6 ta o‘yin o‘tkazishgan. Nemis murabbiyi 3 o‘yinda g‘alaba qozongan bo‘lsa, angliyalikning hisobida 1 ta g‘alaba bor, 2 o‘yin durang bilan yakunlangan.
Tahminiy tarkiblar
Yurgen Klopp "Bo‘rilar"ga qarshi takroriy o‘yinda asosiy tarkibning ko‘plab futbolchilariga dam berdi. Buning evaziga ba’zi zaxira o‘yinchilari o‘zlarining eng yaxshi tomonlarini ko‘rsatishga muvaffaq bo‘lishdi va endi bosh murabbiyning oldida asosiy tarkibga kim munosib, degan savol turibdi.
Yarim himoya chizig‘i mavsumning ko‘p qismida "Liverpul" uchun muammoli pozisiya bo‘lib kelgan. Ayni damda Tiago maydonga tushishi kerak.
Klopp "Bo‘rilar"ga qarshi o‘yinda yaxshi ko‘ringan yarim himoyachilar uchligi Baytesich - Tiago – Keytani tanlaydimi yoki hammaga tanish uchlikni Fabino - Tiago - Xenderson qaytaradimi - bu sirligicha qolmoqda.
