«Brentford» bosh murabbiyi Tomas Frank ukrainalik hujumchi Mixail Mudrikning «Shaxtyor»dan «Chelsi»ga o‘tishi haqida gapirdi.
Eslatib o‘tamiz, londonliklar 22 yoshli vinger uchun 70 million yevro to‘lashdi. Bundan tashqari, Donesk klubi yana 30 million bonus olishi mumkin bo‘ladi.
Mutaxassisning fikricha, endigina faoliyatini boshida turgan yosh futbolchi uchun 100 million yevro juda yuqori narx.
«Tashqaridan qaraganda, menga Mudrik haqiqatan ham yaxshi futbolchidek tuyuladi, ammo imkoniyatlari hali noma’lum bo‘lgan futbolchi uchun 100 million yevro juda ko‘p.
U, ehtimol, ancha yaxshilanishi mumkin, ammo bu zamonaviy futboldagi narx o‘sib borishining turli belgilaridir», - deya Frenkning so‘zlarini keltiradi Sky Sports.
Joriy mavsumda Mudrik «Shaxtyor» safida 18 ta o‘yin o‘tkazib, 10 ta gol urdi va 8 ta golli uzatmani amalga oshirdi. Transfermarkt portali yosh hujumchini 40 million yevroga baholamoqda.
