«Liverpul»ning sobiq yarim himoyachisi Stiven Jerrard Dortmundning «Borussiya» klubi yarim himoyachisi Jud Bellingemning ingliz klubiga o‘tishini istamoqda.

Jud qilishi kerak bo‘lgan narsa - bo‘sh bo‘ladigan vaqtini aytishi va men Dortmundga uni «Liverpul»ga o‘tishga ko‘ndirish uchun boraman», - deya Jerrardning so‘zlarini keltiradi Goal.

19 yoshli futbolchiga «Liverpul», «Real», «Manchester Siti» va «Chelsi» kabi ko‘plab yirik klublar qiziqish bildirgan. Biroq, «Borussiya» uni hozircha qo‘yib yuborishni istamayapti.

Eslatib o‘tamiz, yarim himoyachi joriy mavsum dortmundliklar safida 22 ta o‘yinda maydonga tushib, 9 ta gol urdi va 3 ta golli uzatmani amalga oshirdi. Uning shartnomasi 2025 yilning yoziga qadar mo‘ljallangan. Transfermarkt portali futbolchini 110 million yevroga baholamoqda.