«Ливерпул»нинг собиқ ярим ҳимоячиси Стивен Жеррард Дортмунднинг «Боруссия» клуби ярим ҳимоячиси Жуд Беллингемнинг инглиз клубига ўтишини истамоқда.

Жуд қилиши керак бўлган нарса - бўш бўладиган вақтини айтиши ва мен Дортмундга уни «Ливерпул»га ўтишга кўндириш учун бораман», - дея Жеррарднинг сўзларини келтиради Goal.

19 ёшли футболчига «Ливерпуль», «Реал», «Манчестер Сити» ва «Челси» каби кўплаб йирик клублар қизиқиш билдирган. Бироқ, «Боруссия» уни ҳозирча қўйиб юборишни истамаяпти.

Эслатиб ўтамиз, ярим ҳимоячи жорий мавсум дортмундликлар сафида 22 та ўйинда майдонга тушиб, 9 та гол урди ва 3 та голли узатмани амалга оширди. Унинг шартномаси 2025 йилнинг ёзига қадар мўлжалланган. Transfermarkt портали футболчини 110 миллион еврога баҳоламоқда.