"An-Nasr" klubning yangi yulduzi Krishtianu Ronalduning ismi va raqami yozilgan futbolkalarni sotish orqali yaxshigina pul topyapti. Marca jurnalisti “An-Nasr” klubi do‘koniga tashrif buyurib, kuniga 400 ga yaqin Ronaldu futbolkalari sotilishini aniqladi. Futbolkaning har biri 100 dollar turadi.
Qayd etilishicha, “An-Nasr” klubi do‘konida ba’zida faqat bolalar va katta hajmdagi futbolkalar qolib ketadi. Bu yuqori talab bilan bog‘liq.
Krishtianu Ronaldu bugun, 22 yanvar kuni “An-Nasr” safidagi ilk rasmiy o‘yinini o‘tkazishi rejalashtirilgan.
