"Manchester Yunayted" himoyachisi Xarri Maguayr jamoadagi raqobat mavzusi haqida gapirdi.
"Menimcha, mavsum davomida o‘zgarishlar juda muhim bo‘ldi, yangi futbolchilar katta ta’sir ko‘rsatdi va muhim gollarni urishdi.
Futbol - bu jamoaviy o‘yin. Hamma asosiy tarkibda o‘ynashni xohlaydi, asosiyga chiqa olmaganida hammaning hafsalasi pir bo‘ladi. Lekin shunday bo‘lishi kerak - biz hammamiz raqobatbardoshmiz. Ammo kerak bo‘lganda ham tayyor bo‘lishimiz shart. Mavsumda juda ko‘p o‘yinlar va kam tanaffuslar mavjud, shuning uchun yangi futbolchilardan foydalaniladi. Agar siz muvaffaqiyatga erishmoqchi bo‘lsangiz, har bir pozisiyada raqobat bo‘lishi juda muhimdir", - dedi Maguayr.
