Shaxmat bo‘yicha Niderlandiyada Tata Steel Chess 2023 musobaqasi davom etmoqda.
Musobaqaning Challengers turnirida qatnashayotgan Javohir Sindorov 8-turda Mustafo Yilmazga imkoniyatni boy berib qo‘ydi. Hamyurtimiz o‘yin davomida ko‘p xatolarga yo‘l qo‘ydi. Yaxshi variantlarni ko‘ra olmadi. Ushbu xatolar yakunda Sindarovga turnirdagi dastlabki mag‘lubiyatni "taqdim" etdi.
Sindarov 5 ochko bilan jadvalda 4-o‘ringa tushdi (1-tur avval 2-o‘rinda edi). Sindorov keyingi turda 24 yanvar kuni AQSH vakili Mishra Abhimanyuga qarshi oq donalarda o‘ynaydi.
"Masters" guruhida ishtirok etayotgan Nodirbek Abdusattorov esa amerikalik grossmeyster Levon Aronianga qarshi o‘yinda durang qayd etgani haqida ma’lumot berib o‘tgandik.
