Шахмат бўйича Нидерландияда Tata Steel Chess 2023 мусобақаси давом этмоқда.
Мусобақанинг Challengers турнирида қатнашаётган Жавоҳир Синдоров 8-турда Мустафо Йилмазга имкониятни бой бериб қўйди. Ҳамюртимиз ўйин давомида кўп хатоларга йўл қўйди. Яхши вариантларни кўра олмади. Ушбу хатолар якунда Синдаровга турнирдаги дастлабки мағлубиятни "тақдим" этди.
Синдаров 5 очко билан жадвалда 4-ўринга тушди (1-тур аввал 2-ўринда эди). Синдоров кейинги турда 24 январь куни АҚШ вакили Мишра Абҳиманюга қарши оқ доналарда ўйнайди.
"Masters" гуруҳида иштирок этаётган Нодирбек Абдусатторов эса америкалик гроссмейстер Левон Аронианга қарши ўйинда дуранг қайд этгани ҳақида маълумот бериб ўтгандик.
