Bangkokda o‘tayotgan boks bo‘yicha U-22 Osiyo chempionati O‘zbekiston terma jamoasi uchun ajoyib natijalarga boy bo‘lmoqda. Bugun yigitlar o‘rtasidagi yarim final janglari yakuniga yetdi. Ahamiyatlisi, unda ringga ko‘tarilgan 11 vakilimizdan 10 tasi o‘z jangini muvaffaqiyatli o‘tkazib, final yo‘llanmasini qo‘lga kiritdi!

Jumladan, bugungi janglarda O‘zbekiston va Qozog‘iston bokschilari 3ta yarim finalda o‘zaro to‘qnash kelishdi. Ularning barchasida vakillarimizning qo‘li baland keldi. Shuningdek, qirg‘izistonlik bokschilarga qarshi 4ta jangda ham vatandoshlarimiz g‘alaba qozonishdi.

O‘zbekiston erkaklar terma jamoasi eng ko‘p final yo‘llanmasiga bo‘lgan jamoaga aylandi. Bugungi natijalar:

-48 kg: Shodiyor Meliqo‘ziyev - Lester Durens (Filippin)  - 5:0
-51 kg: Muhammadqodir Mamirjonov - Tanarat Sayengpet (Tailand) - 0:5
-60 kg: Dilshod Abdumurodov - Fido Rafael (Indoneziya) - 5:0
-63,5 kg: Shahboz Yunusaliyev - Askat Kultayev (Qirg‘iziston) - 3:2
-67 kg: Bekzod Hamidov - Ixtiyor Nishonov (Qirg‘iziston) - 4:1
-71 kg: Nurislom Ismoilov - Nuradin Rustambek Uulu (Qirg‘iziston) - 5:0
-75 kg: A’loxon Abdullayev - Abdumalik Boltayev (Tojikiston) - 5:0
-80 kg: Jasurbek Yo‘ldoshev - Yerasil Jakpekov (Qozog‘iston) - 4:1
-86 kg: Shohjahon Abdullayev - Nursultan Bolotbayev (Qirg‘iziston) 1-raundda nokaut g‘alaba
-92 kg: Nusrat Tohirov - Yerxat Bekzat (Qozog‘iston) - 5:0
+92 kg: Jahongir Zokirov - Amanat Sabirgali (Qozog‘iston) - 5:0