Polsha futbol ittifoqi prezidenti Sezari Kulesha Portugaliya terma jamoasi sobiq bosh murabbiyi Fernandu Santush bilan shartnoma imzolanganini tasdiqladi. Bugun mutaxassisning Polsha terma jamoasi murabbiyi sifatida rasmiy taqdimoti bo‘lib o‘tadi.
Ma’lumotlarga ko‘ra, Santushning shartnomasi 2026 yilgacha mo‘ljallangan.
JCH-2022da uning boshchiligidagi Portugaliya 1/4 finalga chiqdi va Marokashga mag‘lub bo‘ldi (0:1).
Santushning Portugaliya bilan 2024 yilgacha hisoblangan shartnomasi o‘zaro kelishuvga ko‘ra bekor qilingan. U 2014 yildan buyon jamoani boshqarib kelayotgan edi. Portugaliya terma jamoasi bilan birgalikda 2016 yilgi Yevropa chempionati va 2018/19 yilgi Millatlar ligasi mavsumida g‘olib chiqdi.
Polsha terma jamoasining sobiq bosh murabbiyi Cheslav Mixnevich 2022 yilning 31 dekabrida o‘z lavozimini tark etgandi.
2022 yilgi jahon chempionatida Polsha terma jamoasi Argentina, Saudiya Arabistoni va Meksikaga qarshi o‘ynab, guruhdan chiqdi. Turnirning 1/8 finalida polyaklar Fransiyaga imkoniyatni boy berib (1:3) jahon chempionatini tark etishdi.
