Польша футбол иттифоқи президенти Цезари Кулеша Португалия терма жамоаси собиқ бош мураббийи Фернанду Сантуш билан шартнома имзоланганини тасдиқлади. Бугун мутахассиснинг Польша терма жамоаси мураббийи сифатида расмий тақдимоти бўлиб ўтади.
Маълумотларга кўра, Сантушнинг шартномаси 2026 йилгача мўлжалланган.
ЖЧ-2022да унинг бошчилигидаги Португалия 1/4 финалга чиқди ва Марокашга мағлуб бўлди (0:1).
Сантушнинг Португалия билан 2024 йилгача ҳисобланган шартномаси ўзаро келишувга кўра бекор қилинган. У 2014 йилдан буён жамоани бошқариб келаётган эди. Португалия терма жамоаси билан биргаликда 2016 йилги Европа чемпионати ва 2018/19 йилги Миллатлар лигаси мавсумида ғолиб чиқди.
Польша терма жамоасининг собиқ бош мураббийи Чеслав Михневич 2022 йилнинг 31 декабрида ўз лавозимини тарк этганди.
2022 йилги жаҳон чемпионатида Польша терма жамоаси Аргентина, Саудия Арабистони ва Мексикага қарши ўйнаб, гуруҳдан чиқди. Турнирнинг 1/8 финалида польяклар Францияга имкониятни бой бериб (1:3) жаҳон чемпионатини тарк этишди.
