Frenk Lempard "Everton" bosh murabbiyligidan ketdi.
Bu xabar klub rasmiy saytida e’lon qilindi.
"Chelsi"ning sobiq futbolchisi boshchiligidagi jamoa 22 oktyabrdan beri g‘alaba qozona olmayapti, o‘shanda "irislar" Premyer-ligada "Kristal Pelas"ni mag‘lub etgan (3:0). O‘shandan beri Mersisayd klubi 10 uchrashuvda 8 ta mag‘lubiyat va 2 durang qayd etgan.
Lempard “Everton”ni bir yil oldin 2022 yilning 31 yanvaridan boshqarishni boshlagan edi.
"Everton" APL turnir jadvalida oxirgi o‘rindagi "Sautgempton" bilan bir xil ochkolar bilan 19-o‘rinda bormoqda.
Jamoa navbatdagi o‘yinini 4 fevral kuni APL peshqadami "Arsenal"ga qarshi o‘tkazadi.
