"Bavariya" bosh murabbiyi Yulian Nagelsmann Germaniya chempionatining 17-turi doirasidagi "Kyoln" bilan durang (1:1) haqida fikr bildirdi.
“Menimcha, biz bu ochkoga loyiqmiz. Biz ikkinchi bo‘limda almashtirishlarni amalga oshirdik va ulardan keyin yaxshi o‘ynadik. Yilning dastlabki ikki o‘yinida ikki ochko yo‘qotish qabul qilib bo‘lmaydigan holat bo‘lsa-da, so‘nggi daqiqalardagi gol bizga foyda keltiradi. Biz ikkinchi bo‘limda yuqori temp o‘rnatdik - 90 daqiqa davomida shunday o‘ynashimiz kerak. Agar shunday qilsak, shanba kuni bo‘lib o‘tadigan "Ayntraxt"ga qarshi o‘yinda g‘alaba qozonishimizga ishonchim komil bo‘ladi", - deya Nagelsmann so‘zlarini keltirgan klub matbuot xizmati.
"Bavariya" ketma-ket ikkinchi bor durang o‘ynadi, ammo 36 ochko bilan Bundesliga turnir jadvalida peshqadamlik qilishda davom etmoqda. "Kyoln" 21 ochko bilan 10-o‘ringa ko‘tarilib oldi.
