"Бавария" бош мураббийи Юлиан Нагельсманн Германия чемпионатининг 17-тури доирасидаги "Кёльн" билан дуранг (1:1) ҳақида фикр билдирди.
“Менимча, биз бу очкога лойиқмиз. Биз иккинчи бўлимда алмаштиришларни амалга оширдик ва улардан кейин яхши ўйнадик. Йилнинг дастлабки икки ўйинида икки очко йўқотиш қабул қилиб бўлмайдиган ҳолат бўлса-да, сўнгги дақиқалардаги гол бизга фойда келтиради. Биз иккинчи бўлимда юқори темп ўрнатдик - 90 дақиқа давомида шундай ўйнашимиз керак. Агар шундай қилсак, шанба куни бўлиб ўтадиган "Айнтрахт"га қарши ўйинда ғалаба қозонишимизга ишончим комил бўлади", - дея Нагельсманн сўзларини келтирган клуб матбуот хизмати.
"Бавария" кетма-кет иккинчи бор дуранг ўйнади, аммо 36 очко билан Бундеслига турнир жадвалида пешқадамлик қилишда давом этмоқда. "Кёльн" 21 очко билан 10-ўринга кўтарилиб олди.