"Tottenxem" bugun "Vilyarreal" hujumchisi Arno Danjuma bilan shartnoma imzolashi mumkin, deb yozadi insayder Fabrisio Romano o‘zining Twitter sahifasida. Unga ko‘ra, "shporlar" futbolchini ijaraga olmoqchi.

Avvalroq, "Everton" hujumchining transferi bo‘yicha kelishib olgani, ammo "Tottenxem" futbolchi uchun poygada o‘zib ketgani ma’lum bo‘lgandi.

Transfermarkt portali futbolchini 35 million yevroga baholamoqda. 25 yoshli niderlandiyalikning ispan jamoasi bilan shartnomasi 2026 yilning yoziga qadar mo‘ljallangan.

Joriy mavsumda Danjuma ispan klubi safida barcha turnirlar doirasida 17ta o‘yinda maydonga tushib, 6ta gol urdi.