"Тоттенхэм" бугун "Вильярреал" ҳужумчиси Арно Данжума билан шартнома имзолаши мумкин, деб ёзади инсайдер Фабрицио Романо ўзининг Twitter саҳифасида. Унга кўра, "шпорлар" футболчини ижарага олмоқчи.
Аввалроқ, "Эвертон" ҳужумчининг трансфери бўйича келишиб олгани, аммо "Тоттенхэм" футболчи учун пойгада ўзиб кетгани маълум бўлганди.
Transfermarkt портали футболчини 35 миллион еврога баҳоламоқда. 25 ёшли нидерландияликнинг испан жамоаси билан шартномаси 2026 йилнинг ёзига қадар мўлжалланган.
Жорий мавсумда Данжума испан клуби сафида барча турнирлар доирасида 17та ўйинда майдонга тушиб, 6та гол урди.
