«Tottenxem» himoyachisi Jed Spens yanvar oyidayoq o‘yin amaliyotiga ega bo‘lish uchun boshqa klubga o‘tishi mumkin.
Jurnalist Alasdair Gold xabariga ko‘ra, «shporlar» rahbariyati yosh ingliz futbolchisini mavsum oxirigacha ijaraga berish uchun harakat qiladi.
Xabarlarga ko‘ra, uning xizmatlariga premyer-liganing boshqa jamoalari, xususan, «Lester» va «Brentford» qiziqish bildirmoqda.
Joriy mavsumda Spens barcha musobaqalarda «Tottenxem» libosida atigi oltita o‘yin o‘tkazdi. Transfermarkt portali 22 yoshli himoyachining narxini 14 million yevroga baholamoqda. Jed «shporlar»ga iyul oyida «Midlsbro»dan kelib qo‘shilgan edi.
