«Тоттенхэм» ҳимоячиси Жед Спенс январь ойидаёқ ўйин амалиётига эга бўлиш учун бошқа клубга ўтиши мумкин.
Журналист Аласдаир Голд хабарига кўра, «шпорлар» раҳбарияти ёш инглиз футболчисини мавсум охиригача ижарага бериш учун ҳаракат қилади.
Хабарларга кўра, унинг хизматларига премьер-лиганинг бошқа жамоалари, хусусан, «Лестер» ва «Брентфорд» қизиқиш билдирмоқда.
Жорий мавсумда Спенс барча мусобақаларда «Тоттенхэм» либосида атиги олтита ўйин ўтказди. Transfermarkt портали 22 ёшли ҳимоячининг нархини 14 миллион еврога баҳоламоқда. Жед «шпорлар»га июль ойида «Мидлсбро»дан келиб қўшилган эди.
