«Manchester Siti» bosh murabbiyi Xosep Gvardiola «Arsenal»ga Aleksandr Zinchenko va Gabriel Jezusni sotganidan afsusdami yoki yo‘qligi haqidagi savolga javob berdi.
Eslatib o‘tamiz, bu futbolchilar endilikda «kanonirlar»ga turnir jadvalida peshqadam bo‘lishiga yordam bermoqda.
«Menimcha, biz Jezus va Zinchenkoni bekorga sotganimiz yo‘q. Nima uchun buni noto‘g‘ri deb o‘ylayapsiz? Ular yaxshi o‘ynayotgani uchunmi? Aleks va Gabriel «Manchester Siti»da aql bovar qilmas darajada kuchli futbolchilar edi. Men ularni kasbiy jihatdan juda hurmat qilaman. Albatta, biz chempionlik poygasida ularni mag‘lub etishni istaymiz», dedi Gvardiola matbuot anjumanida.
