«Манчестер Сити» бош мураббийи Хосеп Гвардиола «Арсенал»га Александр Зинченко ва Габриэль Жезусни сотганидан афсусдами ёки йўқлиги ҳақидаги саволга жавоб берди.
Эслатиб ўтамиз, бу футболчилар эндиликда «канонирлар»га турнир жадвалида пешқадам бўлишига ёрдам бермоқда.
«Менимча, биз Жезус ва Зинченкони бекорга сотганимиз йўқ. Нима учун буни нотўғри деб ўйлаяпсиз? Улар яхши ўйнаётгани учунми? Алекс ва Габриэль «Манчестер Сити»да ақл бовар қилмас даражада кучли футболчилар эди. Мен уларни касбий жиҳатдан жуда ҳурмат қиламан. Албатта, биз чемпионлик пойгасида уларни мағлуб этишни истаймиз», деди Гвардиола матбуот анжуманида.
