"Milan" qishki transfer yakuniga qadar o‘zining hujum chizig‘ini kuchaytirishni rejalashtirmoqda va "Roma" qanot hujumchisi Nikolo Dzanyolo hamda "Chelsi" vingeri Xakim Ziyesh bilan dastlabki muzokaralar olib borildi. Biroq, La Gazette Dello Sport nashri xabariga ko‘ra, "rossonerilar" shu yilning yanvar oyida faqat bitta futbolchini qo‘lga kiritishlari mumkin.

"Roma" Dzanyoloni kamida 40 million yevroga sotmoqchi, ammo "Milan" keyingi mavsumda Chempionlar ligasiga yo‘llanma olsa, uni 25 million yevroga sotib olish imkoniyati bilan mavsum oxirigacha ijaraga olishni taklif qilmoqda. "Bo‘rilar" bunday taklifdan qoniqmadi, shu bois klub rahbariyati "Milan"ga 24 soatlik muddat belgilagan. Aks holda, "Roma" Dzanyoloni "Bornmut"ga sotishga tayyor, u esa ancha kattaroq summa taklif qilgan.

Ziyesh bilan vaziyat biroz boshqacha - uning yiliga 6,5 million yevro miqdoridagi yuqori maoshi o‘tishga to‘siq bo‘lishi mumkin, shu jumladan joriy mavsum oxirigacha ijaraga ham. Biroq, "Chelsi" marokashlik bilan "bo‘rilar" Dzanyolo uchun "Milan"dan talab qilayotganidan ancha kichikroq pul evaziga xayrlashishga tayyor.