Dortmundning «Borussiya» klubi «Anderlext»ning 16 yoshli hujumchisi Jyulyen Dyuranvilni sotib oldi.
Futbolchi tibbiy ko‘rikdan o‘tib, nemis klubi bilan uzoq muddatli shartnoma imzoladi. Jyulyen kuzda mushak jarohatidan tiklanish bosqichida bo‘ldi. 16 yoshu 5 kunligida u «Anderlext»da debyut qildi, bu mavsumda Dyuranvil Belgiya chempionatida allaqachon oltita o‘yin o‘tkazdi va sentyabr oyi boshida o‘zining birinchi golini urdi.
Dortmundning «Borussiya» klubi Bundesliganing joriy mavsumida 17 ta o‘yinda 31 ochko to‘pladi va turnir jadvalida 5-o‘rinni egallab turibdi.
