«Nissa» yarim himoyachisi Morgan Shnayderlen mavsum oxirigacha Avstraliyada to‘p tepadigan bo‘ldi. «Vestern Sidney Uonderers» 33 yoshli fransiyalik futbolchi bilan shartnoma imzoladi.
«Uonderersda bo‘lganimdan juda xursandman va sayohatimni bu klubda boshlashni intiqlik bilan kutyapman. Men bu klub haqida ko‘p yaxshi gaplarni eshitdim va yangi chaqiruvga tayyorman», - deydi futbolchi.
Yozda Morgan erkin agentga aylanishi mumkin, chunki uning «Nissa» bilan amaldagi shartnomasi 2023 yilning 1 iyuligacha amal qiladi.
Avvalroq Shnayderlen «Everton», «Manchester Yunayted», «Sautgempton» va «Strasburg» kabi klublarda to‘p tepgan. U Fransiya terma jamoasi safida 14 ta o‘yin o‘tkazgan.
