Mikel Arteta Tomas Partining jarohati haqida gapirdi.
«Arsenal» yarim himoyachisi Angliya kubogi 4-bosqichida «Manchester Siti»ga qarshi o‘yinda (0:1) tanaffusda almashtirildi.
«U o‘zini noqulay his qildi va o‘yini yomonlashdi. Bahsni davom ettirish unga noqulay edi. Shanba yoki yakshanba kuni u tibbiy ko‘rikdan o‘tadi va biz yakuniy xulosani bilib olamiz.
Hozir bizda El-Nenni jarohatlangan va uni safga qaytarish hali ham aniq emas. Lokonga Parti o‘rniga maydonga tushdi va yaxshi o‘ynadi.
Ha, Tomas bizning o‘yinimizga kuchli ta’sir o‘tkazmoqda, u kuchli xarakterga ega», - dedi «Arsenal» bosh murabbiyi.