«Real Madrid» himoyachisi Ferlan Mendi «Enfild»da «Liverpul»ga qarshi Chempionlar ligasining ⅛ finali birinchi o‘yinida jamoasiga yordam bera olmaydi.
Diario AS xabariga ko‘ra, fransiyalik futbolchi mersisaydliklarga qarshi bahsgacha tiklanishga ulgurmaydi.
Eslatib o‘tamiz, kecha Mendi bir oyga yaqin muddatdagi o‘yinlarni o‘tkazib yuborishi mumkinligi ma’lum bo‘lgandi. Himoyachi son suyagi yorilishi tufayli safdan chiqqan, ammo aniq tashxis hali qo‘yilmadi.
«Real Madrid» o‘tgan mavsumda Chempionlar ligasida «Liverpul» bilan to‘qnash keldi. «Qirollik klubi» finalda raqiblarini minimal hisobda mag‘lub etib, bosh sovringa ega chiqqandi.
