«Реал Мадрид» ҳимоячиси Ферлан Менди «Энфильд»да «Ливерпул»га қарши Чемпионлар лигасининг ⅛ финали биринчи ўйинида жамоасига ёрдам бера олмайди.
Diario AS хабарига кўра, франциялик футболчи мерсисайдликларга қарши баҳсгача тикланишга улгурмайди.
Эслатиб ўтамиз, кеча Менди бир ойга яқин муддатдаги ўйинларни ўтказиб юбориши мумкинлиги маълум бўлганди. Ҳимоячи сон суяги ёрилиши туфайли сафдан чиққан, аммо аниқ ташхис ҳали қўйилмади.
«Реал Мадрид» ўтган мавсумда Чемпионлар лигасида «Ливерпуль» билан тўқнаш келди. «Қироллик клуби» финалда рақибларини минимал ҳисобда мағлуб этиб, бош совринга эга чиққанди.
