PSV "Manchester Yunayted" vingeri Entoni Elangini ijaraga olmoqchi.
Ushbu transfer tashabbuskori Niderlandiya jamoasi bosh murabbiyi Rud van Nistelroydir. Klub “Liverpul”ga ko‘chib o‘tgan Kodi Gakpoga o‘rinbosar izlashda davom etmoqda.
Manbaning ta’kidlashicha, mankunianliklar ustozi Erik ten Xag shvedning ko‘proq o‘yin amaliyotiga ega bo‘lish istagiga qaramay, 20 yoshli futbolchini qo‘yib yuborishni istamayapti.
Joriy mavsumda Elanga barcha musobaqalarda bor-yo‘g‘i 609 daqiqa o‘ynab, ikkita golli uzatmani amalga oshirdi. Oldinroq uning "Everton"ga ijaraga berilishi haqida ham ma’lumotlar paydo bo‘lgandi.
