ПСВ "Манчестер Юнайтед" вингери Энтони Элангини ижарага олмоқчи.
Ушбу трансфер ташаббускори Нидерландия жамоаси бош мураббийи Руд ван Нистелройдир. Клуб “Ливерпуль”га кўчиб ўтган Коди Гакпога ўринбосар излашда давом этмоқда.
Манбанинг таъкидлашича, манкунианликлар устози Эрик тен Хаг шведнинг кўпроқ ўйин амалиётига эга бўлиш истагига қарамай, 20 ёшли футболчини қўйиб юборишни истамаяпти.
Жорий мавсумда Эланга барча мусобақаларда бор-йўғи 609 дақиқа ўйнаб, иккита голли узатмани амалга оширди. Олдинроқ унинг "Эвертон"га ижарага берилиши ҳақида ҳам маълумотлар пайдо бўлганди.
