Bilasizmi, so‘nggi 15 yilda "Tottenxem"ning sobiq futbolchilari tomonidan 100 dan ortiq sovrinlar qo‘lga kiritildi. Shulardan 37 tasi Lyuka Modrich va Garet Beyl tegishlidir. Quyida "shporlar", safini tark etib, zafar quchgan ayrim mashhur futbolchilar haqida gaplashamiz.
Kayl Uoker
Uoker "Tottenxem" safida ekanidayoq APLning eng yaxshi himoyachilaridan biri ekani ma’lum bo‘lgan edi. Ammo u o‘sishni istadi va Uayt Xart Leynni tark etdi. Pep Gvardiola tomonidan 2017 yilda "Manchester Siti"ga olib kelingan Uoker, shundan buyon sovrinlar yutishdan charchagani yo‘q. Uchta Angliya chempionligi, yana 7 marta boshqa kuboklar egasi bo‘lish Uokerga aynan "shaharliklar" safida nasib etdi.
Paulinyo
"Tottenxem"da ishonchlarni oqlay bilmagach, Paulinyo 2015 yilda Xitoyning "Guanjou" klubiga sotib yuboriladi. Braziliyalik u yerda o‘zini ko‘rsata oldi. Ikki mavsumdan keyin esa "Barselona" uni 36 million funtga sotib oladi. Ko‘plab tanqidlarga qaramasdan, Paulinyo o‘zining "Barselona"dagi yagona mavsumida ikkita titulga ega chiqqandi.
Kristian Eriksen
"Tottenxem"da olti yarim yilni sovrinsiz o‘tkazgach, Eriksen o‘ziga yangi sarguzasht qidirdi. 2020 yilning qishida u "Inter"ga yo‘l oldi. Daniyalik yarim himoyachi Italiyada "Yuventus"ning to‘qqiz yillik gegemonligini tugatishda katta rol o‘ynadi va chempionlikni qo‘lga kiritdi. Ayni damda Eriksen yana APLga qaydi. U endilikda "MYU" bilan nimadir qilishga urinib ko‘radi.
Kiran Trippyer
Trippyer "shporlar" safida yuzdan ortiq bahsda qatnashgandi. Ammo 2019 yili uning manzili Madrid tomonga o‘zgardi. "Atletiko" himoyachini sotib oldi. U va uning jamoasi 2020-21 yilgi mavsumda "Real" va "Barsa"dan ustun kelib, chempionlikka erishgandi. Bugun esa Kiran "Nyukasl"da bu ishni bajarishga harakat qilmoqda.
Xuan Foyt
Argentinalik himoyachi Londondagi uch yillik mavsumida hech qachon o‘zini yaxshi his etmagandi. 32 ta o‘yinda ishtirok etganidan keyin u "Vilyarreal"ga ketadi. Ayni damda esa Foyt uchun u yerdan yaxshi joy yo‘q. Foyt 2021 yilda Yevropa ligasini qo‘lga kiritadi.
Fernando Lyorente
Garchand 2019 yilda YECHL finaliga chiqishda katta mehnatlari singan bo‘lsa ham, Lyorente o‘sha yili yozda jamoadan ketkaziladi. Hujumchi erkin agent sifatida "Napoli"ga yo‘l oldi. U 2020 yilda Italiya kubogini qo‘lga kiritgan. O‘shanda "Yuventus" finalda 4-2 hisobida taslim etilgandi.
ISMATOV J.
