Turkiyada mashg‘ulotlarni davom ettirayotgan “Navbahor” jamoasi bugun xorij yig‘inidagi navbatdagi nazorat uchrashuvini Bolgariyaning “Septemvri” (Sofiya) klubiga qarshi o‘tkazib, 4:2 hisobida g‘alaba qozondi.
“Lochinlar” uchrashuvni ancha ishonchli tarzda o‘tkazib, birinchi bo‘limning o‘zida Asadbek Sobirjonov va Shohruz Norxonovlarning gollari tufayli tanaffusga 2:0 hisobidagi g‘alaba bilan chiqib ketishdi. Tanaffusdan keyin Jamshid Iskanderov va Ibrohim Yo‘ldoshevlar ham bittadan gol urib, g‘alabani mustahkamlashdi. Hisob yirik ko‘rinishga kelgach, “Navbahor” futbolchilarini biroz xotirjamlikka berilishlaridan Bolgariya klubi foydalanib, ikkita gol bilan javob qaytarishga erishdi. Biroq, “lochinlar” raqibga boshqa imkoniyat bermay ishonchli g‘alabani qo‘lga kiritishdi.
Xorij yig‘inida “Navbahor” bunga qadar ikkita nazorat o‘yinida maydonga tushib, bittadan g‘alaba va mag‘lubiyat qayd etgandi.
