Myunxenning “Bavariya” klubi hujumchisi Tomas Myuller Germaniya Bundesligasining 18-turida “Ayntraxt”ga (1:1) qarshi kechgan bahsdan so‘ng intervyu berdi.

“Ushbu uchrashuvga kayfiyatimiz a’lo darajada edi. Birinchi bo‘limni yaxshi o‘tkazdik, tanaffusdan so‘ng vaziyat tartibsizlikka aylandi. Raqib xavfli vaziyatlar yaratishimizga imkon bermadi, ular juda zich harakat qilishdi. Yakuniy natijadan norozimiz. Bu zerikarli, ammo bunday o‘yinlar keyingi janglarga salbiy ta’sir ko‘rsatmasligi kerak", - deya Tomasning so‘zlaridan iqtibos keltiradi klub matbuot xizmati.

18 turdan keyin “Bavariya” 37 ochko bilan Germaniya chempionati turnir jadvalida peshqadamlik qilmoqda.