Мюнхеннинг “Бавария” клуби ҳужумчиси Томас Мюллер Германия Бундеслигасининг 18-турида “Айнтрахт”га (1:1) қарши кечган баҳсдан сўнг интервью берди.
“Ушбу учрашувга кайфиятимиз аъло даражада эди. Биринчи бўлимни яхши ўтказдик, танаффусдан сўнг вазият тартибсизликка айланди. Рақиб хавфли вазиятлар яратишимизга имкон бермади, улар жуда зич ҳаракат қилишди. Якуний натижадан норозимиз. Бу зерикарли, аммо бундай ўйинлар кейинги жангларга салбий таъсир кўрсатмаслиги керак", - дея Томаснинг сўзларидан иқтибос келтиради клуб матбуот хизмати.
18 турдан кейин “Бавария” 37 очко билан Германия чемпионати турнир жадвалида пешқадамлик қилмоқда.
