"Union Berlin" klubi "Sevilya" bilan shartnoma bekor qilinganidan keyin erkin agentga aylangan Isko bilan shartnoma imzolashga qiziqish bildirmoqda. Bu haqda jurnalist Florian Plettenberg xabar berdi.
Bundesligadagi 18 uchrashuvdan so‘ng "Union" 36 ochko bilan turnir jadvalining ikkinchi pog‘onasida bormoqda. Peshqadam “Bavariya”da esa 37 ochko.
30 yoshli Isko "Sevilya" bilan 2022 yilning avgustida tekinga shartnoma imzolagan edi. O‘sha yilning dekabr oyida ispaniyalik futbolchi bilan tuzilgan shartnoma bekor qilindi. "Sevilya" bosh murabbiyi Xorxe Sampaolining so‘zlariga ko‘ra, Isko shartnoma imzolashda unga bildirilgan umidlarni oqlamagan.
Joriy mavsumda Isko 19 ta o‘yinda maydonga tushdi va 3 ta golli uzatmani amalga oshirdi. 2013 yildan 2022 yilgacha u "Real Madrid" futbolchisi bo‘lgan.