"Унион Берлин" клуби "Севилья" билан шартнома бекор қилинганидан кейин эркин агентга айланган Иско билан шартнома имзолашга қизиқиш билдирмоқда. Бу ҳақда журналист Флориан Плеттенберг хабар берди.
Бундеслигадаги 18 учрашувдан сўнг "Унион" 36 очко билан турнир жадвалининг иккинчи поғонасида бормоқда. Пешқадам “Бавария”да эса 37 очко.
30 ёшли Иско "Севилья" билан 2022 йилнинг августида текинга шартнома имзолаган эди. Ўша йилнинг декабрь ойида испаниялик футболчи билан тузилган шартнома бекор қилинди. "Севилья" бош мураббийи Хорхе Сампаолининг сўзларига кўра, Иско шартнома имзолашда унга билдирилган умидларни оқламаган.
Жорий мавсумда Иско 19 та ўйинда майдонга тушди ва 3 та голли узатмани амалга оширди. 2013 йилдан 2022 йилгача у "Реал Мадрид" футболчиси бўлган.