Usmon Dembelening jarohati avval taxmin qilinganidan ham jiddiyroq bo‘lib chiqdi.
"Barselona" vingeri La Liganing 19-turida "Jirona"ga qarshi o‘yinda (1:0) jarohat olib, 26-daqiqada almashtirildi.
Dastlab, fransiyalik futbolchi son jarohati tufayli 3 haftaga safdan chiqqani haqida ma’lumot paydo bo‘ldi. Ammo bugungi tekshiruvlar shuni ko‘rsatdiki, Usmonning to‘g‘ri son suyagi mushagida yoriq aniqlangan.
Shu sababli Dembele 5 haftani o‘tkazib yuboradi, deb xabar beradi Diario Sport.
25 yoshli vinger joriy mavsumda "Barsa" safida 28 o‘yinda maydonga tushib, 8 ta gol urdi va 7 ta golli uzatmani amalga oshirdi.
