Усмон Дембеленинг жароҳати аввал тахмин қилинганидан ҳам жиддийроқ бўлиб чиқди.
"Барселона" вингери Ла Лиганинг 19-турида "Жирона"га қарши ўйинда (1:0) жароҳат олиб, 26-дақиқада алмаштирилди.
Дастлаб, франциялик футболчи сон жароҳати туфайли 3 ҳафтага сафдан чиққани ҳақида маълумот пайдо бўлди. Аммо бугунги текширувлар шуни кўрсатдики, Усмоннинг тўғри сон суяги мушагида ёриқ аниқланган.
Шу сабабли Дембеле 5 ҳафтани ўтказиб юборади, деб хабар беради Diario Sport.
25 ёшли вингер жорий мавсумда "Барса" сафида 28 ўйинда майдонга тушиб, 8 та гол урди ва 7 та голли узатмани амалга оширди.
