Hujumchi Entoni Gordon "Everton"dan "Nyukasl Yunayted"ga o‘tdi. Bu haqda jamoa rasmiy sayti xabar bermoqda.
Jamoa matbuot xizmati futbolchi bilan uzoq muddatli shartnoma imzolaganini ma’lum qildi. Qayd etish joiz, 21 yoshli futbolchi “Nyukasl”ning qishki transfer oynasidagi ilk xaridi bo‘ldi.
Avvalroq OAVda bonuslarni hisobga olmaganda, bitim summasi taxminan 46 million yevroni tashkil etishi haqida xabar berilgandi.
Joriy mavsumda Gordon barcha turnirlarni hisobga olgan holda 18 ta o‘yinda qatnashib, uchta gol urgan.