«Liverpul» sobiq hujumchisi Robbi Fauler «qizillar»ning yangi futbolchisi Kodi Gakpo haqida o‘z fikrlari bilan o‘rtoqlashdi.
3 yanvar kuni ingliz klubi 23 yoshli gollandiyalik hujumchi bilan shartnoma imzolaganini e’lon qildi. Shartnoma muddati 2028 yilning iyunigacha hisoblangan.
«Biz uning yangi muhit, yangi liga va yangi mamlakatga ko‘nikishi uchun biroz vaqt berishimiz kerak va ishonchim komilki, u barchamiz ko‘rishni istagan top hujumchi bo‘ladi. Unga vaqt kerak.
Men hujumchiman va o‘ylaymanki, qachondir u barcha ishonchlarni oqlaydi», — dedi Fauler.
Eslatib o‘tamiz, Gakpo «Liverpul» safida beshta o‘yinda maydonga tushdi va hozircha gol ura olmadi.
