«Ливерпуль» собиқ ҳужумчиси Робби Фаулер «қизиллар»нинг янги футболчиси Коди Гакпо ҳақида ўз фикрлари билан ўртоқлашди.

3 январь куни инглиз клуби 23 ёшли голландиялик ҳужумчи билан шартнома имзолаганини эълон қилди. Шартнома муддати 2028 йилнинг июнигача ҳисобланган.

«Биз унинг янги муҳит, янги лига ва янги мамлакатга кўникиши учун бироз вақт беришимиз керак ва ишончим комилки, у барчамиз кўришни истаган топ ҳужумчи бўлади. Унга вақт керак.

Мен ҳужумчиман ва ўйлайманки, қачондир у барча ишончларни оқлайди», — деди Фаулер.

Эслатиб ўтамиз, Гакпо «Ливерпуль» сафида бешта ўйинда майдонга тушди ва ҳозирча гол ура олмади.