"Liverpul" hujumchisi Roberto Firmino "Real"ning radariga tushdi.
"Qaymoqranglilar" dekabr oyida 35 yoshga to‘lgan Karim Benzemaga o‘rinbosar izlashda davom etmoqda. Footmercato xabariga ko‘ra, "Liverpul" bilan shartnomasi shu yozda tugaydigan Firmino bilan shartnoma tuzish qisqa muddatli yechim bo‘lishi mumkin.
"Real Madrid" braziliyalik futbolchining jamoa o‘yiniga to‘liq mos tushishiga ishonmoqda va tarkibda ko‘plab hamyurtlarining borligi uning yangi sharoitga tez moslashishiga yordam beradi.
Muammo Firminoning yoshi, shuningdek, uning uzoq muddatli shartnomaga intilishi bo‘lishi mumkin, ehtimol "Real" bunga rozi bo‘lmaydi.
